AGAMME, Mulleres Veciñais de Vigo e o Instituto Europeo Campus Stellae conversan con Casares Long sobre a preocupante presenza da SAP na Universidade

Instituto Europeo Campus Stellae
Becas de 1.800 euros en Másteres en Violencia Doméstica, Violencia de Género, Maltrato al Mayor, Maltrato al Menor y Acoso Escolar.
www.campus-stellae.com
live@campus-stellae.com
+0034 981522788

Dentro de la Acción Social de Instituto Europeo Campus Stellae, estamos llevando a cabo una ronda de reuniones con representantes de varias adminsitraciones públicas para poner en marcha procesos de control y formacion de expertos que garanticen los peritajes de menores victimas de abusos y maltrato.

RUEDA DE PRENSA A TODOS LOS MEDIOS DE COMUNICACIÓN

  

AGAMME, Mulleres Veciñais de Vigo e o Instituto Europeo Campus Stellae conversan con Casares Long sobre a preocupante presenza da SAP na Universidade

As representantes da Asociación Galega contra o Maltrato a Menores (AGAMME) -Estrela Gomez Viñas-; Mulleres Veciñais de Vigo -Rosa Fontaiña Pazos-; e o Instituto Europeo Campus Stellae -Nuria Pereira Martínez-, mantiveron na xornada de onte, martes 29 de novembro, unha entrevista con Excmo. Sr. Reitor da Universidade de Santiago de Compostela, D. Juan Casares Long, para expoñeren a súa postura con respecto á presenza da Síndrome de Alienación Parental (SAP) na universidade, a través da Unidade de Psicoloxía Forense.

Ao longo da entrevista tratouse a problemática que supón a aplicación desta mal chamada síndrome, dado que a SAP non e científica, e o seu precursor, Richard Gardner, hai 40 anos ten xustificado entre outras cousas a pedofilia.

O protocolo de peritación elaborado por a Unidade de Psicoloxía Forense da USC, somete aos nenos e ás nenas a unhas condicións que distan moito das recomendadas no resto de países. A técnica empregada pola citada Unidade é inapropiada e as súas peritaxes infrinxen os dereitos fundamentais recollidos na lexislación vixente a nivel nacional e internacional.

Na reunión fíxose especial fincapé na necesidade de iniciar un debate para a elaboración dun protocolo que regule o funcionamento destas peritaxes. Para isto as representantes de AGAMME, Mulleres Veciñais de Vigo e Instituto Europeo Campus Stellae queren poñer en marcha un estudo científico que permita valorar o maltrato e os abusos sexuais a menores e adolescentes. As tres asociacións agardan que se abra así unha nova liña de actuación para a atención e a peritaxe ante os xulgados dos menores vítimas de maltrato e/ou abusos sexuais, integrada por expertos en pediatría, psiquiatría infantil, dereito penal, psicoloxía clínica, asistentes sociais e educadores.

As tres representantes amosáronse moi satisfeitas con este primeiro encontro co Reitor da USC, D. Juan Casares Long.